என்ன பொருத்தமடி உனக்கும் எனக்கும்

நீ சைவப் பேர்வழி
நான் அசைவப் பிரியன்
நீ ஒரு அடியை இரு
நொடியில் கடப்பாய்
நான் இரு அடியை ஒரு
நொடியில் கடப்பேன்
உனக்குப் படிப்பு பின்பு
சிறு விளையாட்டு
எனக்கு விளையாட்டு பின்பு
முடிந்தால் சிறு படிப்பு
உனது நட்பு வட்டாரம்
மிக மிக சிறிது
எனது நட்பு வட்டாரமோ
பரந்து விரிந்தது
நீ "கடமையை செய்
பலனை எதிர்பாராதே" பெண்
நானோ சிந்திய வேர்வைக்கு
உரிமைக் கேட்கும் ஆண்
இப்படிப் பல விசயங்களில்
நீ வேறு நான்
வேறாக இருப்பினும்
காந்தத்தின் இரு
வேறு விசைகள்
ஈர்ப்பதைப் போன்றும்
இரு வேறு கைகள்
ஒரு ஒளியினை
எழுப்புவது போலவும்
என்னுடைய இன்னொருப்
பாதி நீயாகவும்
உன்னுடைய இன்னொருப்
பாதி நானாகவும்
இருப்பதே சாலச் சிறப்பு
என்பதை இன்று
உனர்ந்தேனடி என் உயிரே!!!